ငါမေ့လျော့နေတဲ့ မျက်ဝန်းလေးတစ်ထည်
-----------------------------------Kသာမိုး(မန်းမြေ)
ညတွေဟာ တွားတွားသတ္တဝါတစ်ကောင်လို
ငါတို့ရဲ့ လက်တွေပေါ် ကုတ်ကတ်တက်ခဲ့ကြ။
ဝတ်လစ်စလစ်လမ်းကလေးနဲ့
အထီးကျန်စွာ ကြွေကျခဲ့ရတဲ့
သစ်ရွက်လေးရဲ့ ဈာပနက
နာကျင်စရာကဗျာတစ်ပုဒ် ဖြစ်ခဲ့ကြောင်း။
ဒီဇင်ဘာတစ်ရာသီအတွက်
တိုးတိုးလျလျ အရည်ပျော်သွားတဲ့နှင်းတစ်စက်လီု
ငါ ဖာထေးချုပ်လုပ်ခဲ့တဲ့ မျက်ဝန်းလေးတစ်ထည်
မေ့လျော့စွာနဲ့ သူမရဲ့နှုတ်ခမ်းမှာတွယ်ငြိခဲ့ကြောင်း။
ဝဲဘက်ရင်အုံပေါ်က ကျိုးကြေသွားတဲ့ရက်စွဲလေးမှာ
လွမ်းစရာဥတုတစ်ခုအဖြစ် ညဥ့်နက်သန်းခေါင်အမှောင်ထုမှာ
မလှမပ ပွင်းလန်းနေရဲ့။
နာကျင်စရာအိပ်မက်မှာ ထာဝရမနှိုးထတော့တဲ့
ရင်နာဖွယ် မျက်ရည်တစ်စက်ရဲ့
နောက်ဆုံးထွက်သက် ကြေးစည်သံ
သူမ ကြားနိုင်လောက်ပါစေ။
Kသာမိုး(မန်းမြေ)
23/12/2K19
No comments:
Post a Comment