လမင်းကို ငါးမျှားချိတ်မှာတပ်ပြီး မျှားကြည့်တဲ့အခါ
~~~~~~~~~~~~~~~~~~~~~~~~~~~~~~~Kသာမိုး(မန်းမြေ)
နူးညံ့တဲ့ လျှာဖျားလေးတွေပေါ်
ဝိုင်ခါးခါးတစ်ခွက်ရဲ့ စွန်းထင်းမှုတွေဟာ
ငါ့ရဲ့ ကြိမ်ဖန်များစွာအသက်ရှုခဲ့တဲ့
အသက်မဲ့နေသော နှလုံးသားတစ်စုံဖြစ်ခဲ့ရဲ့
အမှောင်ညကို အားကိုးပြီး
နှင်းဆီပန်းအကြွေတွေ ကောက်ယူမိတဲ့အခါ
ငါဟာ ဆေးချက်မညီတဲ့မျဉ်းတွေလို
ငါ့နှလုံးခုန်သံတိုင်း
အပေါ်တက်လိုက်
အောက်ဆင်းလိုက်နဲ့
နှင်းဆီတွေ ရနံ့မလွှတ်ရသေးခင်မှာပဲ
လမင်းကို ငါးမျှားချိတ်မှာတပ်ပြီး
မျှားကြည့်လိုက်မိတယ်
အတ္တတွေ ဝါးမြိုထားသော
အို....ကိုတံငါ
အသင့်ရဲ့ ဆာလောင်မွတ်သိပ်မှုတွေမှာ
ငါးအသေတွေ ပါလာတာ
မဆန်းပါဘူး
ဒီလို
သူတို့ သူတို့ရဲ့ချစ်ခြင်းတွေမှာ
ကျုပ်အတွက် ဓားအလက်ပေါင်းများစွာ
မြုပ်နှံထားလေရဲ့
အနမ်းတစ်ပွင့်
မခူးဆွတ်ရသေးခင်
အဲ့ဒီအချိန်မှာပဲ
နေဝင်သွားတယ်
Kသာမိုး (မန်းမြေ)
No comments:
Post a Comment