ရုပ်သေနေသော နာဗ်ကြောများ
~~~~~~~~~~~~~~~~~~~Kသာမိုး(မန်းမြေ)
စကြာဝဠာရဲ့ ကျောရိုးမတွေမှာ
ငါ ရာစုသစ်တစ်ခုဆုပ်ကိုင်ထားခဲ့
အဲ့ဒီ ၀ှီးကနဲဖြတ်သွားတဲ့
လေတိုးသံတွေနောက်
ပုလင်းတစ်လုံး ကျကွဲသွားတာ
ဘယ်သူမှ မသိဘူး
အဲ့ဒီ သောက်ရူးကြယ်ကသာ
ငါ့အတွက် မှိန်နေတာ
ညတွေ မှောင်လာရင်
လကမ္ဘာကို ငါးမျှားချိတ်မှာတပ်ပြီး
ငါ့နေစွဲတွေကို မျှားမယ်
ဒီ ၂၀၁၈ မှာ
ငါ ဖာထေးခဲ့တဲ့ အပ်ချည်မျှင်က
ငါ့သွေးနဲ့ ယက်ထားတာ
လည်ပတ်နေတဲ့ နာဗ်ကြောတွေ
အဲ့ဒီနေ့ကစပြီး အသက်မရှုတော့တာ
ဒါဘယ်သူ့အပြစ်မှမဟုတ်ဖူး
ရာစုဟောင်းက ပန်းခြောက်တွေ
ဖုန်မှုန့်တွေခါပြီး ပုဝါပါးအုပ်
ဒီအတိုင်းလေးပဲ ငါ
ဆက်ငိုမယ်.....
Kသာမိုး(မန်းမြေ)
No comments:
Post a Comment