ထိုအရာအား အချစ်ဟုခေါ်ဆိုသည်
**************************Kသာမိုး(မန္တလေး)
တို့တွေ တစ်ယောက်နဲ့တစ်ယောက်
နှောင်တွယ်ခဲ့ကြ
ငါတို့တွေ တစ်ယောက်ကိုတစ်ယောက်
ပွေ့ဖက်ခဲ့ကြ
ပျက်ကျသွားတဲ့ တန်ဖိုးနည်းလေတံခွန်ကြိုးများ။
နင်က ဆူရှီကြိုက်သလို
ငါက လက်ဖက်ရည်ကြိုက်တယ်
နင်က ကီးမားကြိုက်သလို
ငါက ဖက်ကြမ်းကြိုက်တယ်
နင်က တိုက်အိမ်အကြီးကြီးမှာနေချင်သလို
ငါက အေးချမ်းဆိတ်ငြိမ်တဲ့
ကဗျာအိမ်ငယ်သေးသေးလေးမှာ နေချင်တယ်။
မင်းဘဝနဲ့မင်း ငါ့ဘဝနဲ့ငါ
ငါတို့တွေ လမ်းကိုလေမှာမျှော်လိုက်ရုံ
ကမ္ဘာတစ်ခုကို အညီအမျှ ခွဲဝေယူကြရုံ
ငှက်တွေအကြောင်း ငါတို့တွေ ငြီးတွာကြရုံ
အမှည့်လွန် ပုပ်သိုးနေတဲ့
အိပ်မက်တွေ ခူးဆွတ်ရိတ်သိမ်းကြရုံ
တို့တက်နိုင်ကြ။
မင်းတွေးခဲ့သလို ငါလည်း စိတ်ကူးယဉ်ခဲ့မိတာပေါ့
ဘဝကို ဖိနပ်ချုပ်ပြီး စီးချင်ခဲ့တာပေါ့
ခြေဗလာမျော်လင့်ချက်ထဲ ငါတို့တွေ လက်ပစ်ကူးလိုက်ကြရအောင်
နင့်အချစ် ဘယ်ထိရှည်လျားမလဲ
ငါ စောင့်ကြည့်စမ်းမယ်ကွယ်။
Kသာမိုး(မန္တလေး)
19/2/2020
No comments:
Post a Comment