အလွမ်း
~~~~~~ ™Kသာမိုး(မန်းမြေ)
ပစ်ပစ်နှစ်နှစ်ပြောခဲ့တယ်
အရေပြားတွေ သွေးအလိမ်းလိမ်းကပ်တဲ့အထိရူးခဲ့တယ်
နာကျင်မှုတွေ ဝါကျဖွဲ့တီးခေါက်မိတိုင်း
ဒီအသံဟာ နားဝင်မချိုဘူး
လမင်းကို ရူးသွပ်မိလို့
ကြယ်စင်တွေ အလှောင်ခံရတာပါ
သိုးရေခြုံထားတဲ့ ဝံပုလွေပုံပြင်ထဲကလောက်
ဒီပွဲက ကစားရတာသိပ်မကောင်းဘူး
နှုတ်ဆက်ခဲ့ပါတယ် ဆိုတဲ့
ဝါကျ တစ်ကြောင်းထဲနဲ့တင်
အသက်သွင်းနေတဲ့ ပန်းချီကားတစ်ချပ်
ဆေးသားတွေ လွင့်ပြယ်
ငါ မေတ္တာနည်းခဲ့လို့လား
အဖြေမရှိတဲ့ မေးခွန်းတစ်ခု
အဖြေရှာရင်းပဲ
နှလုံးသားစာမေးပွဲမှာ
ကျွန်တော် အရှုံးကြီးရှုံးနိမ့်ခဲ့တာပါ
အခုဆို ငှက်ကလေးတွေတောင်
နင်မရှိတော့တဲ့နောက်ပိုင်း
တေးမဆိုကြတော့တာ အတော်ကြာပြီ
အဆုံးအစမဲ့ လွမ်းချင်းတွေကိုညည်းရင်း
ငါ့ကဗျာတွေလဲ
အခုထိ ငိုနေကြတုန်းပဲ။
Kသာမိုး(မန်းမြေ)
No comments:
Post a Comment