လှည့်နေတာမဟုတ်ဖူး
သူ့အလိုလိုကို လည်နေတာ...
~~~~~~~~~~~~~~~~~~~~~~~~Kသာမိုး(မန်းမြေ)
မဖြစ်နိုင်ဘူးဆိုတာတွေက
တကယ်ဖြစ်လာတယ်
ဖြစ်လာမယ်ထင်တဲ့အရာတွေက
ပုံပြင်လား
ဒဏ္ဍာရီလား
ငါ့သည်းနေတဲ့ မိုးညတွေမှာ
ဝိုးတဝါးပဲ
မဖြစ်သေးတဲ့အရာတွေကို
ဖြစ်အောင်လုပ်ရင်း
မဖြစ်ချင်ပဲ ဖြစ်လာတဲ့အရာတွေကို
ပြန်မဖြစ်အောင် ခြေစုံကန်တွန်းထုတ်
ခါးသီးတဲ့ ဘဝတွေကို
မြိန်ယှက်စွာ စားသုံးရင်း
အနားသတ်မရှိတဲ့ ပြိုင်မျဉ်းပေါ်မှာ
ဟိုစမ်း ဒီစမ်းနဲ့
ပြေးမိနေတုန်း
ဖြစ်ဖြစ်မဖြစ်ဖြစ်ပေါ့လေ
ဖြစ်ကိုဖြစ်ရမယ်ဆိုတဲ့ ဝါဒ
ငါရေးနေတဲ့
သမိုင်းကြောင်းအတွက်
ပုဒ်မတစ်ခုပဲ.....
ငါ့မလှည့်ပါဘူး
ဒါပေမယ့် မဖြစ်ဖြစ်အောင်လုပ်နေတာကိုက
ခုထိ လည်နေတုန်း...
Kသာမိုး(မန်းမြေ)
No comments:
Post a Comment