2018 ခုနှစ်ထုတ် အသစ်စက်စက်အလွမ်းများ
~~~~~~~~~~~~~~~~~~~~~~~Kသာမိုး(မန်းမြေ)
ငါ့တပ်မက်ခဲ့တဲ့ နှုတ်ခမ်းဖျားရဲ့အပါးမှာ
ဒီနေ့ပဲ နင်ပေးခဲ့တဲ့လက်စွပ်လေး
အရောင်လွင့်သွားတယ်...
နင့်နှုတ်ဖျားပေါ် ပွင့်နေတဲ့နှင်းဆီတွေ
တစ်ရွက်ခြင်း ခြွေချကြည့်တော့
မာယာတွေက ငါ့ကိုလာစူးတယ်....
ငါနောက်ဆုံးရေးခဲ့တဲ့ ဒိုင်ယာရီလေးထဲကလိုပဲ
မှောင်မိုက်မှုတွေ ရွာချလာတဲ့အခါ
ထီးတစ်လက်ရဲ့ လုံခြုံမှုမျိုး
နင် တောင့်တမိမှာပါ....
မက်စောက်တဲ့ တောင်နံရံဘေးက
ချိတ်ဆွဲထားတဲ့မာယာတွေ
တပ်မက်မိတဲ့ ငါ့စိတ်ကို
ငါ နောင်တမရဘူး
တင်းနေတဲ့ ကြိုးတစ်ချောင်းကို
ရက်ရက်စက်စက်ဖျတ်ပစ်ရက်တာ
ငါ အနာကျင်ဆုံးပဲ
ငါဖတ်ခဲ့ဖူးတဲ့ စာပိုဒ်လေးတစ်ခုလို
ကဗျာဆရာတွေဟာ
အချစ်အကြောင်းရေးပြီးရင် လွမ်းလာတက်ကြတယ်
အလွမ်းအကြောင်းရေးပြီးရင် ငိုနေတက်ကြတယ်
ငါ မငိုချင်ပေမယ့်
မျက်ရည်လေးတော့ ဝဲမိတာပေါ့....
နောက်ဆို
သက်ဆိုင်ရာ ဖုန်းအော်ပရေတာတွေရဲ့
"လူကြီးမင်းခေါ်ဆိုသောတယ်လီဖုန်းမှာ
သတ်မှတ်အချိန်တွင်း ပြန်လည်ဖြေကြားခြင်းမရှိသေးပါသဖြင့်
ခေတ္တစောင့်ဆိုင်းပြီးမှ ပြန်လည်ခေါ်ဆိုပါရှင်" ဆိုတဲ့ အသံလေးတွေ
ငါကြားရတော့မှာ မဟုတ်ဘူး...
ငါ နင့်အတွက်
စိတ်ပူရတော့မှာ မဟုတ်သလို
ငါ နင့်အတွက်
စိုးရိမ်ရတော့မှာလဲ မဟုတ်ဖူး
ဖြစ်နိုင်ခဲ့ရင်
အဲ့ဒီခံစားချက်လေးတွေ
ငါ ပြန်လိုချင်တယ်......
သွားပေဦးတော့ ချစ်သူ
မှိုင်းမိနေတဲ့
လှောင်အိမ်ထဲက ငှက်တစ်ကောင်ရဲ့
ကျဉ်းမြောင်းမှုမျိုး ငါမပေးချင်ပါဘူး
နင် လွတ်လွတ်လပ်လပ်ပျံသန်းပါ
မုန်တိုင်းမိလာမဲ့တစ်နေ့
လှောင်အိမ်ရဲ့ လုံခြုံမှုကို
နင် နားလည်မှာပါ
အသံမဲ့ နာကျင်မှုတွေက
ပိုးစိုးပက်စက် ရေးခြစ်ခဲ့တဲ့ဝါကျ
နင် သစ္စာမဲ့တယ်တဲ့
အဆုံးမဲ့ ရှိုက်သံတွေအတွက်
ငါ နောင်တမရခဲ့ဘူး
မှုန်းဝါးပျောက်ကွယ်သွားတဲ့ အိပ်မက်တွေကြား
ရူးနှမ်းနေတဲ့ ကဗျာတစ်ပုဒ်အတွက်
ငါ့စေတနာတွေ သွေးစိမ်းရှင်ရှင်ကျလာတဲ့အကြောင်း
ငါ့အသုဘမှာ ချိတ်ဆွဲပြထားမယ်
ငါ့အိပ်မက်တွေ ငါနဲ့အတူသင်္ဂြိုလ်မယ်
ငါ့သစ္စာတွေ ငါနဲ့အတူသင်္ဂြိုလ်မယ်
ငါပေးခဲ့တဲ့ ဂရုစိုက်မှုတွေ
ငါနဲ့အတူ သင်္ဂြိုလ်မယ်
ဒါဟာ
သစ္စာမဲ့မိန်းမသို့
ဒီ ၂၀၁၈အတွက် နောက်ဆုံးအိတ်ဖွင့်ပေးစာပါ....
Kသာမိုး(မန်းမြေ)
No comments:
Post a Comment