စိတ်ရဲ့ အိုမင်းရင့်ရော်ခြင်းများ
---------------------------Kသာမိုး(မန်းမြေ)
တစ်စုံတစ်ခု။
အဲဒီတစ်စုံတစ်ခုအတွက်
အိပ်မက်တွေနဲ့ ပစ်ပေါက်ခဲ့ကြ။
လားရာဟာ ဝေးရာဆီ။
ကိုယ်နမ်းတဲ့နေရာ
မင်းမျက်နှာ အရိပ်လိုထင်ချင်တာပဲသိတယ်။
တိမ်စိုင်တွေငေးတုန်း ကြိုးပြတ်ကျန်ခဲ့။
ဒါပေမယ့် ကိုယ်ဟာလေတံခွန်မဟုတ်ဖူး။
တွဲလောင်းကျနေတဲ့ လက်တွေ
မျက်ရည်ပုံသဏ္ဍာန် ထုဆစ်ဖို့
ကီးမမှန်တဲ့ဂီတကို အဖန်ဖန်ပြာချခဲ့။
အိုမင်းနေတဲ့ "စိတ်"တွေ
ဆံဖြူသွားကျိုးနေပုံများ
မနေ့တနေ့က အတိုင်းပဲ။
Kသာမိုး(မန်းမြေ)
9/4/2019
No comments:
Post a Comment