စီးနေတဲ့ မြစ်
------------Kသာမိုး(မန်းမြေ)
ကမ္ဘာကြီးအကြောင်းကို နားလည်ဖို့
"စိတ်" တချို့တလေဟာ
မီးခိုးငွေ့များ ဖြစ်တယ်ဆိုတဲ့အကြောင်း
ပုံပြင်တစ်ပုဒ်ကို လှန်ဖတ်နေခဲ့။
အတ္တနဲ့ အကြိမ်ကြိမ်သေနေတဲ့ကဗျာတွေ
သွားပါ....
မျက်မှန်တစ်လက်လောက် လွယ်အိတ်ထဲအမြဲမရှိဘူး။
မနေ့ညက
အိပ်မက်တွေ မကောင်းဘူး။
ငါ့စာအုပ်ဟာ သူ့ကိုယ်သူမီးရှို့နေသတဲ့။
ဒါကြောင့်ပဲ နေမှာ
မနက်ခင်းက
ငါ့အတွက် အရမ်းပူတာပဲ။
ကျောက်ဆောင်တွေ
ငါ့ကို အမိန့်ပေးနိုင်ရိုးလား။
ငါ ရှေ့ဆက်ပြေးဖို့
ပင်လယ်ကို ရိုကျိုးနေပါတယ်။
Kသာမိုး(မန်းမြေ)
3/4/2k19
No comments:
Post a Comment