ဖူးနေဆဲ ပွင့်မည့်အရာဟာ မာယာ
~~~~~~~~~~~~~~~~~~~Kသာမိုး(မန်းမြေ)
သေလုမျောပါး စိတ်အစုံနဲ့
ကောင်းကင်ကြီးပေါ် စိန်ပြေးလိုက်တမ်းဆော့ကြမယ်
ငုံနေတဲ့ပန်းတွေ ပြန်မပွင့်ကြေး။
လိပ်ပြာတစ်ကောင်ရဲ့ စုတ်ချက်မှာ
ငါ့နရီတွေ အပိုင်းပိုင်းပြတ်
ချစ်သူဝှက်တဲ့ အိပ်မက်ထဲ
ကြယ်တွေရဲ့ ကျောရိုးပေါ်ခေါက်တုန့်ခေါက်ပြန်လျှောက်ရင်း
အဲ့ဒီလို ငါသေဆုံးခဲ့တယ်။
ဖူးနေဆဲ ပွင့်မယ့်အရာဟာ မာယာ....
နင့်နာမည်နဲ့ ငါ့ကဗျာဟာ
လေရိုင်းတွေလို တရကြမ်းအော်ဟစ်
လမင်းကြီးလို ရေတွင်းထဲခုန်ချပြီး
ကိုယ့်ကိုကိုယ် အဆုံးစီရင်သွားပါကြောင်း......
ကဲ....ဒီဇင်ဘာ
ငါ့လောက်ကို မင်းအေးခဲပြနိုင်ပါဦးမလား...
သွေးရောင်ပင်လယ်တွေ အတူတူရွတ်ဆိုကြမယ်....
ဒီကဗျာမှာလည်း နင့်နာမည်နဲ့။
Kသာမိုး(မန်းမြေ)
28/11/2018(6:22 pm)
No comments:
Post a Comment